Søgan hjá Tosa

Ikki øll vita av tí, men Tosa hevur longu trý ár á baki! Tað byrjaði tá Tummas við Skipá, meðan hann var lesandi í Keypmannahavn. Hvørja fer Tummas kom heim til Føroyar, í summar- og jólafrið, hugsaði hann hví einki lágprís telefonfelag var í Føroyum. Í mun til Danmark og onnur grannalond, var tað mest sum eingin munur á fartelefoni og breiðbandi í Føroyum, samstundis at prísirnir eisini vóru nógv hægri. Tískil fekk Tummas hugskotið, at taka kappingina upp, og stovna eitt nýtt lágprís telefonfelag í Føroyum. Við manglandi førleikum innan fíggjarlig- og teknisk viðurskifti innan fjarskifti, fann hann tvær eldsálir, ið høvdu drúgvar royndir - Tróndur H. Sørensen og Kurt Samson.
Síðan 2016 hevur Tosa brúkt nógva tíð uppá at sleppa inn á netið í Føroyum. Við stórum mótgangi, serliga Føroya Tele, var Tosa tvinga til at kæra teirra viðferð, ið endaði við at Tosa fekk viðhald í sínum kærum. Síðan tað hevur gongdin verið betri, og tí er Tosa bert eitt stig frá at kunna betra Føroysku korini innan fjarskifti.

Hvør er trupulleikin?
Í dag hava vit eina duopol á telemarknaðinum, og tíverri kann tað viðhvørt føra til, at marknaðurin blívur einsháttaður. Tað ger at kundin ikki sleppur at velja tænastur, tá tænasturnar frá báðum veitarum eru eins. Um vit samanlíkna Føroyska telemarknaðin við sama markna í okkara grannalondum, so síggja vit at marknaðurin bjóðar fjølbroyttar tænastur til ymiskar prísir. Vit eru øll jú so ymisk, og hava tí ymiskar tørvir á tænastum. Ti er tað sera umráðandi at fólkið hevur møguleika at velja millum fleiri tænastur, soleiðis at tænastan hóskar júst til sín tørv. Í Føroyum er hava vit ikki hetta frælsi. Vit hava tveir televeitarar, ið bjóða somu tænastur til sama høga prís!

Hvussu kann tað broytast?
Síðan ár 2000, tá fyrsta sokallað lágprís telefonfelag var sett á stovn í Danmark, var tað við at skapa eina bylgju av positivum broytingum fyri kundan. Knapliga kom nógv meira fjølbroytni í telemarknaðin, sum gjørdi at kundin kundi velja tænastur eftir egnum tørvi.
Tá Tosa kemur inn sum tann triði televeitarin í Føroyum, verður møguligt at deila marknaðin upp, og harvið bjóða tænastur ið eru meira tilrætta til ein serligan tørv ella málbólk.
Eftir at hava búð nøkur ár í Danmark, kunnu vit, út fra egnum royndum siga, at Føroyar hevur nógv brúk fyri einum nýggjum televeitara. Annars koma vit ikki at flyta okkum frá núverandi strukturi, har báðir televeitarar bert "matcha" hvønn annan, tí teir eru lastir fastir í eini duopol.

Hvat vilja vit?
Tosa er ikki líka sum verandi televeitarar. Við nýggjari tøkni og nýhugsan, koma vit at veita føroyingum størri fjølbroytni í tænastum og prísum, uttan at tað gongur kompromis á dygd ella trygd.
Við stórum hjarta og eldhuga fyri at betra korini hjá tí einstaka Føroyinginum, koma vit at kollvelta telemarknaðin á ein nýggjan og skynsaman hátt.

Kundan aftur í fokus.
Vit eru troyttir av nútímans hugsanarhátt, har fyritøkur einans síggja kundan sum eina inntøku.
Øll menniskju eru ymisk og eru samstundis ymisk støð í lívinum.
Síðan vit fluttu heim til Føroyar, hevur telefonrokningin fylt rættiliga nógv í okkara budget seinastu árini. Sum sjálvur kundar, høvdu vit ynskt at vit høvdu somu korini sum í okkara grannalondum, og harvið møguliga kunna spart pengar.
‍
Tí vilja vit ganga ímóti rákinum, og gera okkara fyri at minka um mánaðarligu útreiðslurnar fyri kundan!

Vit hava brúk fyri tær!
Vit síggja Tosa sum eitt telefonfelag, ið fer at arbeiða tætt saman við samfelagum. um fyrst og fremst at skapa broyting á telemarknaðinum, men eisini í lívinum hjá hvørjum øðrum.
Um vit ynskja broyting, mugu standa saman um tað!
Vit hava arbeitt hart og ofra nógv, fyri at koma her til sum vit eru í dag. Fyri at Føroyar kann fáa sama frælsi og rættindi sum aðrar tjóðir, má okkurt henda!

Um tú vilt hava ein avgerandi leiklut í at hjálpa familjur og einkultir persónar til at spara pengar, og harvið hava ráð til meira, ert tú í rætta stað!

Tí hevði tað glett okkum, um tú ert villig/ur at vera við í kampinum, og samstundis vera við til at skriva Føroya søgu.

Mátin tú kanst hjálpa uppá, er at stuðla okkum fíggjarliga og um tú vilt gerast partaeigari í felagnum.
‍
Minst til - kollveltingin byrjar við tær!